यस्तो छ,आजको मौसम

काठमाडौं ।काठमाडौंको न्यूनतम तापक्रम शुक्रबार केही घटेको छ।

जल तथा मौसम पूर्वानुमान महाशाखाले शुक्रबार बिहानको काठमाडौंको न्यूनतम तापक्रम ५ डिग्री सेल्सियस रहेको जनाएको छ ।

बिहान ८ : ४५ मा सार्वजनिक हुने मापनमा न्यूनतम तापक्रम घटेर आउन सक्ने महाशाखाले जनाएको छ।

काठमाडौंको अधिकतम तापक्रम शुक्रबार १७ देखि १९ डिग्री सेल्सियसकाबीच रहने महाशाखाको पूर्वानुमान छ।

दिउँसो हिमाली, तराई र पहाडी क्षेत्र मुख्यतया सफा रहने सम्भावना छ ।

बिहानको समयमा तराई तथा उपत्यकाका केही स्थानहरूमा हुस्सु साथै कुहिरोको सम्भावना रहेकोले दैनिक जनजीवन,पर्यटन, पर्वतारोहण, यातायात तथा हवाई उड्डयनमा असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ।