साहित्यिक पत्रकार संघद्धारा मोहन सिटौला र सुरेन उप्रेतीलाई सम्मान

 काठमाडौं । साहित्यिक पत्रकार संघले वरिष्ठ सर्जक मोहन सिटौला (अमेरिका) र कवि सुरेन उप्रेती (क्यानडा)लाई सम्मानित गर्‍यो ।
सापसले ‘साहित्यिक पत्रकार संघ स्वर्ण महोत्सव सम्मान, २०८०’ साहित्यकार मोहन सिटौलालाई तथा ‘व्यथित काव्य डायस्पोरा सम्मान, २०८१’ कवि सुरेन उप्रेतीलाई प्रदान गरेको छ ।

दुबै सम्मानित सर्जकलाई कार्यक्रमका प्रमुख अतिथि वरिष्ठ इतिहासविद् प्रा.डा.सुरेन्द्र के.सी.ले सम्मान गरे। सम्मानितद्धयलाई सम्मानपत्र, सापस स्वर्ण महोत्सवको मेडल, दोसल्ला, माला र टोपीले सम्मान गरिएको थियो ।
दर्जनौं कृतिका सर्जक मोहन सिटौला अन्तर्राष्ट्रिय नेपाली साहित्य समाजका पूर्व अध्यक्ष र कवि सुरेन उप्रेती पूर्व महासचिव हुन्।

साहित्यिक पत्रकार संघका अध्यक्ष राधेश्याम लेकालीको अध्यक्षतामा आयोजित सो कार्यक्रममा प्रमुख अतिथि के. सी अध्यक्ष लेकाली, प्राज्ञ बाबा बस्नेत, सम्मानित सर्जकहरु मोहन सिटौला र सुरेन उप्रेती, डा.दामोदर पुडासैनीले मन्तव्य राखेका थिए भने कवि मुरारी सिग्देले कार्यक्रमको सहजिकरण गरेका थिए ।