कवि सिलवालको एकल कविता बाचन

धरान । अखिल नेपाल लेखक सघं कोशी प्रदेश समितिले प्रगतिवादी कवि केशव सिलवालको एकल कविता वाचन र प्रतिनिधिमूलक कवितागोष्ठी सुनसरीस्थित विमल स्मृति पुस्तकालय, बुद्धचोक, धरान सम्पन्न गरेको छ ।

जनसांस्कृतिक महासङ्घ नेपालका इन्चार्ज तथा नेकपा (माओवादी केन्द्र) का केन्द्रीय सदस्य ईश्वरचन्द्र ज्ञवालीले ब्यानर वाचन गरेर कार्यक्रमको उद्घाटन गर्नु भएको थियो।

कार्यक्रमको पहिलो सत्रमा प्रगतिवादी कवि केशव सिलवालको एकल कविता वाचन र दोस्रो सत्रमा प्रतिनिधिमूलक कवितागोष्ठी गरिएको थियो।
चिबेचरा,ङा चेपाङ,कमरेड स्याउला ,तुइनमा उल्टो झुन्डिएर ,जुत्ता र क्रान्ति ,यो देश मेरो होइन रहेछ जस्ता ६वटा कविता वाचन गर्नु भएको थियो । ललितपुर लेलेमा २०३० सालमा जन्मिएका कवि केशव सिलवालका बर्जित अवशेष,असहमतिका स्वरहरू ,धारिला मानिसहरू र चिबेचरा कविताकृति प्रकाशित भइसकेका छन्। कवि सिलवाललाई उक्त कार्यक्रममा सम्मान गरिएको थियो ।