कवि घिमिरेको ‘हुरीको इन्द्रेणी उक्लेर’ सार्वजनिक

 काठमाडौं । कविता लेखनमा पाँच दशक बिताएका विष्णुविभु घिमिरेको नयाँ कविता कृति ‘हुरीको इन्द्रेणी उक्लेर ‘सार्वजनिक भएको छ ।
काव्यिक क्षेत्रमा विशिष्ट पहिचान बनाएका घिमिरेका यस अघि ‘काँडाकाँडामा टेकेर’ र ‘कठघरामा उभिएर’ जस्ता नेपाली कविता साहित्यका चर्चित कृति आएका थिए ।
हुरीको इन्द्रेणी उक्लेरभित्र मानव जीवनका विविध विषयमाथि लेखिएका ४६ वटा कविताहरु समेटिएका छन्।
नेपाल प्रज्ञा प्रतिष्ठानका पूर्वउपकुलपति डा.विष्णुविभु घिमिरेको ‘हुरीको इन्द्रेणी उक्लेर’ माया पब्लिकेसनले प्रकाशनमा ल्याएको हो ।