आध्यात्मिक गजल

उठ्छ चोला धर्तिबाट ,~कहाँ जान्छ होला
यति सुन्दर जीवन हरे!कस्ले लान्छ होला।।

रहुन्जेल जीवन यहाँ ,काम क्रोध लोभ मोह
कसो गरे कस्ले आत्मा, स्वर्ग तान्छ होला ।।

कोही छ कि लोकमा बुझ्ने ,स्वर्ग कतातिर
हरधर्मले स्वर्ग फरक,~ किन ठान्छ होला।।

विद्वान विदुषीको ठहर,~~ स्वर्ग धर्तिमैं छ
यति सुन्दर भाव लोकले,कहिले मान्छ होला ।।

प्राण मर्छ कर्म यहाँ ,~अमर ठहर भयो
देह आत्मा लोप हुने,~ केले खान्छ होला।।