अतिरुद्र महायज्ञको समिक्षा र मूल्यांकन कार्यक्रम सम्पन्न :

गत कार्तिकमा सम्पन्न अतिरुद्र महायज्ञ २०८१ को विशेषाङ्कबारे विचारविमर्श तथा वितरण कार्यक्रम सम्पन्न भएको छ। कुपन्डोलस्थित गुरुद्वारा सत्सङ्गभवनमा
महायज्ञ आयोजक नेपाल महर्षि वैदिक फाउण्डेसले आयोजना गरेको कार्यक्रममा महर्षिका आजीवन सदस्यहरूलाई संस्थाका तर्फबाट सदस्यताको प्रमाणपत्र प्रदान गर्नुका साथै गत वर्ष भृकुटीमण्डपको महायज्ञमा कर्ता हुनेहरूलाई विशेषाङ्क वितरण गरिएको थियो।
प्रा. भवानीप्रसाद खतिवडा र प्रा. डा. भागवत ढकालले विशेषाङ्कको समीक्षा गर्दै एउटा महत्त्वपूर्ण दस्तावेज बनेको चर्चा गर्नुभयो । प्रा. डा. विद्यानाथ कोइरालले ध्यान साधनाले मन-मस्तिष्क र शरीरलाई लाभान्वित भएको अनुभव राख्नुभयो। संस्थाका अध्यक्ष श्री दीपकप्रकाश बास्कोटाले कार्यक्रमको अेोचित्य बारे प्रकाश पार्दै महर्षि परिवारको कार्यक्रमले आफू प्रसन्न भएको बताउनुभएको थियो।संचार संयोजक समिक्षा बांस्कोटाले कार्यक्रमका बीचमा महर्षि अभियानका कार्यक्रमबारे ११ मिनेटको भिडियो प्रस्तुतीकरण गरिएको थियो । कार्यक्रम – सञ्चालन भरतराज पौडेलले गर्नुभएको थियो।