नेप्से परिसूचक झिनोअंकले घटेर २८१८.४३ विन्दुमा बन्द

काठमाडौं । साताको अन्तिम कारोबार दिन (बिहीबार)धितोपत्र दोस्रो बजार मापक नेप्से परिसूचक झिनो अंकले घटेर बन्द भएको छ । नेप्से परिसूचक २.२७ अंकले घटेर २८१८.४३ विन्दुमा बन्द भएको छ ।बजार लगातार ३  दिनदेखि ओरालोमा थियो तर, बिहीबार भने झिनो अंकले घट्दै बजारले करेक्सनको तह सकिएको संकेत गरेको छ ।

यस दिन १० अर्ब १० करोड रुपैयाँको सेयर खरिद–बिक्री भएको छ । बुधबार १० अर्ब ९७ करोड रुपैयाँको सेयर खरिद–बिक्री भएको थियो ।आज ९९ कम्पनीको सेयर मूल्य वृद्धि भएको छ ।

यस दिन कारोबारमा आएका १३२ कम्पनीको मूल्य घट्दा ९९ को मूल्य बढ्यो भने १२ को स्थिर रह्यो । गार्डियन माइक्रो फाइनान्स, भूगोल इनर्जी, उपकार लघुवित्त र राप्ती हाइड्रोको मूल्य सकारात्मक सर्किट लेबलमा बृद्धि हुँदा नबिलको डिबेन्चरमा १० प्रतिशतले गिरावट आयो ।कारोबारमा आएका १३ समूहमध्ये चार समूहको परिसूचक बढेको छ । अरू समूहको परिसूचक घटेको छ ।