काठमाडौँ । चलचित्र ‘अभिमन्यु’ निर्माणको घोषणा गरिएको छ । चलचित्र ‘पूर्ण बहादुरको सारङ्गी’का निर्माताले ‘अभिमन्यु’ निर्माणको घोषणा गरेका हुन् । आइतबार एक थिम पोस्टर सार्वजनिक गर्दै निर्माणपक्षले चलचित्रको प्रदर्शन मिति पनि घोषणा गरेका छन् । यो चलचित्र आगामी साउन २४ गते रिलिज हुनेछ ।विश्वभर हिन्दी र नेपाली भाषामा रिलिज हुने यो चलचित्रको थिम पोस्टरले चक्रव्यूह र पैसाबीचको संघर्षलाई प्रस्तुत गर्ने संकेत गरेको छ ।
सेभेन सिज सिनेमाको प्रस्तुति रहने ‘अभिमन्यु’लाई सुशान्त गौतमले निर्देशन गर्ने छन् । मुकेश खनालले कथा रहनेछ । चलचित्रका निर्माता विनोद पौडेल र गुञ्जन गिरी हुन् । सह–निर्मातामा रमेश चौलागाइ र हरि श्रेष्ठ छन् । निर्माणपक्षले चलचित्रको कलाकारबारे जानकारी गराएको छैन ।
नयाँ अथवा गुमनाम अुनहारमार्फत नयाँ कथा भन्दा दर्शकलाई कथा कन्भिन्स गर्न सहज हुने धारणा राख्ने पौडेलले सोही अनुसार कलाकार अनुबन्ध गराउने सम्भावना छ ।निर्माता पौडेल फरक धारका फिल्म बनाउन रुचाउने भएकाले ‘अभिमन्यु’मा स्टार कलाकार भन्दा पनि नयाँ अनुहारलाई प्राथमिकता दिने बताइन्छ ।