प्रेस चौतारीको २७औँ स्थापना दिवस विभिन्न कार्यक्रम गरि मनाईँदै

काठमाडौं । गतिशील तथा श्रमजीवी पत्रकारहरूको साझा संगठन प्रेस चौतारी नेपाल स्थापनाको २७ औं वर्षमा प्रवेश गरेको छ।

स्थापना दिवसका अवसरमा विभिन्न जिल्ला र शाखाहरुमा पनि कार्यक्रम हुँदैछन्।
०५५ मंसिरमा आयोजित भेलाले गठन गरेको तदर्थ समितिले ०५५ माघ २२ गते विजय चालिसेको नेतृत्वमा प्रेस चौतारी नेपाल दर्ता गरेको थियो। सोही दिन पारेर प्रेस चौतारीले माघ २२ गतेलाई स्थापना दिवसको रुपमा मनाउँदै आएको छ ।
आगामी फागुनमा केन्द्रिय अधिवेशन गर्ने तयारीमा रहेको प्रेस चौतारीका विभिन्न जिल्लाहरुमा अधिवेशनहरु धमाधम हुँदैछन् ।
यसै क्रममा काभ्रेको बनेपामा प्रेस चौतारी नेपाल,काभ्रे शाखाको ८ औं जिल्ला अधिवेशन नेकपा एमालेका पोलिटव्यूरो सदस्य माननीय गोकुल प्रसाद बांस्कोटाको प्रमुख आतिथ्यमा आज नै हुँदैछ ।